Maxi-Singles / Alben

Maxi-Singles / Alben

Sampler

Sampler

Songtexte

Songtexte

Songtexte

Dä ahle Baum

Album: Mer jevve Jas
Download als PDF...

Songtext: Dä ahle Baum

 

Vers 1:
Sach weiss du noch wie et fröher wor
Verjange sin bahl zwanzisch Johr
Dä Fritz wor minge beste Fründ
Mer kannt kein Sorje un kein Sünd

Bes ovends op d'r Stroß jespillt
Dat wor et jrößte op d'r Welt
Un jingke die Latäne ahn
dann trote mir d`r Heimwääsch an

Jo un denk ich su zorück
An die schöne Kinderzick
Jo dann treck et mich do hin, wo ich och hück noch su jään bin

Refr.
Dä ahle Baum in unserm Veedel
Dä stund schon do als ich als Panz he jlöcklich wor
Domols han ich he mim Fritz
Minge Name enjeritz
Un dat süht mo noch noh all dä lange Johr

Dä ahle Baum in unserm Veedel
Dä erinnert mich an dat wat fröher wor
An die unbeschwerte Zick,
die kütt niemols mieh zoröck
Dat iss lang schon her un doch noch immer wohr

Vers 2:
Vill ze schnell verjing die Zick
Doch ich weiß et noch wie hück
dä Fritz komm mit nem goldne Ring
Un froht, wills du mie Mädche sin

Hück is hä nit mieh nur ne Fründ
Nä mer zwei han jetz e Kind
Su wie dä Fritz ne echte Fuss
Dä m'r einfach jään han muss

Jo un denk ich su zorück,
nä wat hat ich doch e Jlöck
un dann treck et mich do hin, wo ich och hück noch su jään bin

Refr.


Vers 3:
Mir wunne hück direck am Wald
he wäde mir bestimmp uch alt
für d'r Dür dä ahle Boum
Verzällt vun manchem Kindheitsdraum

Un luure mir zum Finster russ
spillt do unsre kleine Fuss
met däm Lis vun nevenahn
jetzt fäng dat Spill vun vürre ahn

Jo dann denke mir zuröck,
an uns schöne Kinderzick
un dann treck et uns dann do hin, wo hück uns Kleine jlöcklich sin….


Refr.
Dä ahle Baum in unserm Veedel
Dä stund schon do als ich als Panz he jlöcklich wor
Domols han ich he mim Fritz
Minge Name enjeritz
Un dat süht mo noch noh all dä lange Johr

Dä ahle Baum in unserm Veedel
Dä erinnert mich an dat wat fröher wor
An die unbeschwerte Zick,
die kütt niemols mieh zoröck
Dat iss lang schon her un doch noch immer wohr

Outro
Un jetzt is et su, su wie et fröher wor
Jo und dat bliev uch su die nächste hundert Johr



» Zurück zur Übersicht...
Schließen